Nur-Sultan qalasynda II Halyqaralyq Energiia únemdeý forýmynyń sheńberinde on marapat saltanatty túrde tapsyryldy, dep habarlaidy QR IIDM baspasóz qyzmeti.
Marapattyń alǵashqy iegerleri Áset Isekeshev – Qazaqstan Respýblikasynyń Tuńǵysh Prezidenti – Elbasy Qorynyń Atqarýshy direktory, Bolat Baqaýov – Pavlodar oblysynyń ákimi, Albert Raý – QR Parlamenti Májilisiniń depýtaty, Arman Máýleshev – «QazAzot» AQ bas direktory, Timýr Nurashev – Eýraziia ekonomikalyq komissiiasy tehnikalyq retteý departamentiniń direktory, Syrym Nurǵaliev – BUUDB jobasynyń menedjeri, Oljas Álibekov – «Elektr energetikasyn damytý jáne energiia únemdeý institýty» AQ basqarmasy tóraǵasynyń orynbasary, Dáýren Toqbaev «Qazaqstan Energiia aýditorlary qaýymdastyǵy» ZTB prezidenti, Ermek Marabaev – «Nort Kaspian Opereiting kompani N.V» basqarýshy direktorynyń orynbasary jáne Taýmurat Luqpanov Memlekettik Energetikalyq Tizilim ortalyǵynyń ShQO boiynsha óńirlik ókili.
Marapat energiia únemdeý salasynyń jumyskerlerine, sonymen qatar energiia únemdeýdi damytýǵa jáne energiia tiimdiligin arttyrýǵa jeke úlken úlesin qosqan tulǵalarǵa, energetikalyq resýrstardy tiimdi paidalaný salasyndaǵy kórnekti ázirlemeler úshin tabystalady. Sonymen qatar kadrlardy daiyndaýdaǵy jáne olardyń biliktiligin joǵarylatýdaǵy joǵary jetistikter úshin, Qazaqstan Respýblikasynyń energiia únemdeý jáne energiia tiimdiligin arttyrý salasyndaǵy zańnamalyq bazasyn jetildirýge qosqan jeke úles úshin beriledi. Marapatpen energiia únemdeýdi damytý salasyndaǵy kópjylǵy adal eńbek pen Qazaqstan halqynyń arasynda energiia únemdeý tálim-tártibin taratýdaǵy jetistikter de atap ótiledi.
«Energiia únemdeý salasyna qosqan úlesi úshin» tós belgisi vedomstvolyq marapattar tizbesine QR úkimetiniń qaýlysyna sáikes 2019 jylǵy 8 qarashada engizildi.
