Sybailas jemqorlyqqa qarsy is qimyl agenttiginiń alqa májilisinde Prezidenttiń Kómekshisi – QR Qaýipsizdik keńesiniń hatshysy Áset Isekeshev Atyraý oblysynda iri paramen ustalǵan antikor qyzmetkeri týraly pikir bildirdi, dep habarlaidy QazAqparat.
«Óz qatarlaryńyzdyń tazalyǵy da ózekti másele. Jýyqta Atyraý oblysynda jedel qyzmetkerdiń asa iri kólemde para alý ústinde ustalýy osy baǵyttaǵy jumystardy kúsheitý kerektigin kórsetedi. Mundai faktiler qoǵam arasynda jaǵymsyz talqylaýlar týyndatady. Sondyqtan jeke quram arasynda sýventivti jumystardy kúsheitý kerek. Agenttik jumysynyń negizgi nátijesi qoǵam men biznestiń, investordyń eldegi sybailas jemqorlyqtyń tómendegenin shynymen sezingeni bolýy kerek», - dedi Áset Isekeshev.
Sondai-aq, ol memlekettik organdardyń turǵyndarmen jumysy halyqqa qyzmet kórsetý ortalyqtarynyń modeline negizdelý kerek degen oi aitty.
«Agenttik memlekettik qyzmetshilerdiń biznespen, halyqpen qatynasatyn barlyq perimetrinde halyqqa qyzmet kórsetý ortalyǵyndaǵy siiaqty júiege kóshýine qol jetkizý kerek. Tikelei ara-qatynastyń bolmaýy, naqty algoritmder, jedeldetilgen ári ashyq protsedýralar, shaǵymdanýdyń tiimdi tetigi bolǵany mańyzdy. Birinshi kezekte memlekettik jáne kvazimemlekettik sektorlardaǵy satyp alýlar salasynda tártip ornatý kerek. Bul máselelerdi iske asyrýda ashyqtyq, móldirlik, tsifrlandyrý tásilderin paidalaný mańyzdy. Sonymen birge jetekshi quqyqtyq tehnologiialar, jedel jumystyń jańa tásili qoldanysqa enýi qajet», - dedi Qaýpisizdik keńesiniń hatshysy.
