Astana qalasynda halyq sanynyń artýyna bailanysty 2025 jylǵa deiin elordada 10 emhana ashylady. Bul týraly Memleket basshysynyń qatysýymen ótken elordanyń aldaǵy damýy taqyrybyndaǵy keńes barysynda Astana ákimi Áset Isekeshev málimdedi, - dep habarlaidy "Ult aqparat" Astana qalasy ákimdiginiń resmi saityna silteme jasap.
"Astana qalasy halyq sanynyń artýyna bailanysty biz 2025 jylǵa deiin elordada 10 emhanany ashýdy josparlap otyrmyz. Al, aldaǵy eki jylda úsh emhana ashylady. Biz qazir MJÁ tetigin qoldanamyz. Mysaly, "Jaǵalaý" turǵyn alabynda emhana ashý 1,5 milliard qarjy únemdeýge jáne paidalanýǵa berý merzimin 2 jyl qysqartýǵa múmkindik beredi", - dedi Áset Isekeshev.
Sonymen qatar, elordada densaýlyq saqtaý salasyn tsifrlandyrý jumysy belsendi túrde júrgizilip jatyr.
"Búgingi tańda vedomstvolyq baǵynyshty meditsinalyq mekemelerdiń barlyǵynda meditsinalyq aqparattyq júieler ornatylyp, olardyń barlyǵy ǵalamtorǵa qosylǵan, aýrýhanalar kompiýterlik tehnikamen jabdyqtalǵan", - dedi elorda ákimi Áset Isekeshev Memleket basshysynyń qatysýymen ótken elordanyń aldaǵy damýy taqyrybyndaǵy keńes barysynda.
"Biz tsifrlandyrýǵa kóp kóńil bólemiz. Osy máselemen ainalysatyn vitse-premer men Densaýlyq saqtaý ministri jospardy bekitti. búgingi tańda vedomstvolyq baǵynyshty meditsinalyq mekemelerdiń barlyǵynda meditsinalyq aqparattyq júieler ornatylyp, olardyń barlyǵy ǵalamtorǵa qosylǵan, aýrýhanalar kompiýterlik tehnikamen jabdyqtalǵan. 1 qyrkúiekke deiin dárigerdiń jumys orny tolyǵymen avtomattandyrylyp, aimaqtyq elektrondy densaýlyq pasporty ázirlenetin bolady", - dedi qala ákimi.
Onyń aitýynsha, qalalyq emhanalarda kórmeniń sheteldik qonaqtaryna kúrdeli otalar sátti jasalǵan.
"Astana ishki meditsinalyq týrizm ortalyǵyna ainalyp otyr. Búgin elordanyń statsionarynda em qabyldaǵan ár úshinshi patsient - basqa óńirdiń turǵyny", - dep atap ótti Isekeshev.
