Reseidiń Irkýtsk qalasynda áskeri ushaq qulady. "112" telegram-arnasynyń habarlaýynsha, Sý-30 istrebiteli aviazaýyttan ushyp shyqqan. Ushaq turǵyn úiler ornalasqan aýmaqqa qulaǵan.
Sota arnasynyń habarlaýynsha, eki ushqysh qaza bolǵan. Órt aýmaǵy – 200 sharshy metr.
Resei tótenshe jaǵdai ministrligi ushaq apatynda eki ushqyshtyń opat bolǵanyn rastady. Vedomstvo málimetinshe, turǵyndar arasynda adam shyǵyny joq.
17 qazanda da Krasnodar ólkesiniń Eisk qalasynda áskeri ushaq turǵyn úige qulaǵan edi. Sonyń saldarynan úide órt bastalyp, jarylystar bolǵan. Ushqyshtar ushaqtan sekirip úlgergen. Ushaq apatynan 15 adam qaza boldy, 19 adam jaralandy.
