kollaj: inbusiness.kz
"Irina Kairatovna" tobynyń múshesi Azamat Marklenov Almatydaǵy kontserttegi áreketi úshin qazaqstandyqtardan keshirim surady, - dep habarlaidy "Ult aqparat".
"Assalaýmaǵaleikým, Qazaq eli! Barsha qazaqstandyqtar, meniń esimim - Azamat Marklenov. Men - Shoý Iriny Kairatovny tobynyń múshesimin.
Sońǵy jaǵdaidaǵy kontsertke toqtalǵym kelip otyr. Óz basym barshańyzdan, qazaqstandyqtardan keshirim suraǵym kelip otyr. Ózimdi sahnada mádenietsiz ustaǵanym úshin, ishimdik ishkenim úshin. Moiyndaimyn. Bul - menen ketken úlken qatelik. Bul - men úshin úlken sabaq. Endigi qaitalanbaidy dep ýáde beremin sizderge. Sebebi bizdiń kontsertterge tek qana jastar emes, jasóspirimder, kishkentai búldirshindermen keletin januialar bar. Sondyqtan barshańyzdan keshirim suraimyn. Jaman niet, jaman oi eshqaisymyzdy bolǵan emes. Keshirińizder", - dedi Azamat Marklenov.
Sonymen qatar, top múshesi Shiza laqap atymen tanymal reper Ashat Jolshiev úshin de keshirim surady.
"Ózimniń áriptesim, dosym, osy kontsertke arnaiy shaqyrylǵan Shiza úshin de keshirim suraǵym keledi.
Shiza týdy bireýge bergisi kelip, bireýge estelik bolyp qalsyn degen oimen istegen edi. Ishimdiktiń kesirinen dep oilaimyn, moiyndaimyn ony. Keshirińizder", - deidi Azamat.
Buǵan deiin habarlaǵanymyzdai, 25 mamyrda Almatydaǵy Balýan Sholaq atyndaǵy sport saraiynda "Irina Kairatovna" toby men Shiza-nyń kontserti ótti. Kesh ústinde reperlerdiń biri Qazaqstannyń melekettik týyna qurmetsizdik tanytyp, sahnada balaǵat sózder aitqan.
Áleýmettik jeli qoldanýshylary "Irina Kairatovna" tobynyń múshesi Azamat Marklenov pen reper Ashat Jolshievtiń sahnadaǵy áreketin synǵa alyp, zań júzinde shara qoldanýyn talap etken edi.
