كوللاج: inbusiness.kz
"يرينا كايراتوۆنا" توبىنىڭ مٷشەسٸ ازامات ماركلەنوۆ الماتىداعى كونتسەرتتەگٸ ەرەكەتٸ ٷشٸن قازاقستاندىقتاردان كەشٸرٸم سۇرادى, - دەپ حابارلايدى "ۇلت اقپارات".
"اسسالاۋماعالەيكۋم, قازاق ەلٸ! بارشا قازاقستاندىقتار, مەنٸڭ ەسٸمٸم - ازامات ماركلەنوۆ. مەن - شوۋ يرينى كايراتوۆنى توبىنىڭ مٷشەسٸمٸن.
سوڭعى جاعدايداعى كونتسەرتكە توقتالعىم كەلٸپ وتىر. ٶز باسىم بارشاڭىزدان, قازاقستاندىقتاردان كەشٸرٸم سۇراعىم كەلٸپ وتىر. ٶزٸمدٸ ساحنادا مەدەنيەتسٸز ۇستاعانىم ٷشٸن, ٸشٸمدٸك ٸشكەنٸم ٷشٸن. مويىندايمىن. بۇل - مەنەن كەتكەن ٷلكەن قاتەلٸك. بۇل - مەن ٷشٸن ٷلكەن ساباق. ەندٸگٸ قايتالانبايدى دەپ ۋەدە بەرەمٸن سٸزدەرگە. سەبەبٸ بٸزدٸڭ كونتسەرتتەرگە تەك قانا جاستار ەمەس, جاسٶسپٸرٸمدەر, كٸشكەنتاي بٷلدٸرشٸندەرمەن كەلەتٸن جانۇيالار بار. سوندىقتان بارشاڭىزدان كەشٸرٸم سۇرايمىن. جامان نيەت, جامان وي ەشقايسىمىزدى بولعان ەمەس. كەشٸرٸڭٸزدەر", - دەدٸ ازامات ماركلەنوۆ.
سونىمەن قاتار, توپ مٷشەسٸ Shiza لاقاپ اتىمەن تانىمال رەپەر اسحات جولشيەۆ ٷشٸن دە كەشٸرٸم سۇرادى.
"ٶزٸمنٸڭ ەرٸپتەسٸم, دوسىم, وسى كونتسەرتكە ارنايى شاقىرىلعان Shiza ٷشٸن دە كەشٸرٸم سۇراعىم كەلەدٸ.
Shiza تۋدى بٸرەۋگە بەرگٸسٸ كەلٸپ, بٸرەۋگە ەستەلٸك بولىپ قالسىن دەگەن ويمەن ٸستەگەن ەدٸ. ٸشٸمدٸكتٸڭ كەسٸرٸنەن دەپ ويلايمىن, مويىندايمىن ونى. كەشٸرٸڭٸزدەر", - دەيدٸ ازامات.
بۇعان دەيٸن حابارلاعانىمىزداي, 25 مامىردا الماتىداعى بالۋان شولاق اتىنداعى سپورت سارايىندا "يرينا كايراتوۆنا" توبى مەن Shiza-نىڭ كونتسەرتٸ ٶتتٸ. كەش ٷستٸندە رەپەرلەردٸڭ بٸرٸ قازاقستاننىڭ مەلەكەتتٸك تۋىنا قۇرمەتسٸزدٸك تانىتىپ, ساحنادا بالاعات سٶزدەر ايتقان.
ەلەۋمەتتٸك جەلٸ قولدانۋشىلارى "يرينا كايراتوۆنا" توبىنىڭ مٷشەسٸ ازامات ماركلەنوۆ پەن رەپەر اسحات جولشيەۆتٸڭ ساحناداعى ەرەكەتٸن سىنعا الىپ, زاڭ جٷزٸندە شارا قولدانۋىن تالاپ ەتكەن ەدٸ.
