Iri institýtsionaldyq oiynshylar shetel valiýtasyn óziniń kelisimshart mindettemelerin oryndaý aiasynda ǵana satyp alýy kerek. Qazaqstan halqyna kezekti Joldaýyn joldaǵan Prezident Qasym-Jomart Toqaev osyndai nusqaý berdi, dep habarlaidy QazAqparat.
«Álemdegi sońǵy jaǵdailar teńge baǵamyna qatty qysym jasady. Ol sizderge jaqsy málim. Valiýta naryǵyndaǵy turaqsyzdyq kapitaldy kóleńkeli transshekaralyq aǵyndar arqyly syrtqa shyǵarýmen bailanysty. Sondyqtan, qarjy salasynda syrttan satyp alýshylardyń da áserinen týyndaǵan spekýliativtik suranysty tómendetý kerek», - dedi Memleket basshysy.
Sondai-aq, ol eldegi iri kompaniialardyń shetel valiýtasyn satyp alýy da baqylaýda bolatynyn eskertti
«Aldyńǵy kúni men valiýtany shetelge áketýdi shekteýge múmkindik beretin arnaiy Jarlyqqa qol qoidym. Iri institýtsionaldyq oiynshylar shetel valiýtasyn óziniń kelisimshart mindettemelerin oryndaý aiasynda ǵana satyp alýy kerek», - dedi Prezident.
