Japoniianyń iri áýekompaniiasy azamattarǵa 390 fýnt sterlingke (shamamen 230 myń teńge) tamaq usyndy. Tek jolaýshylar ushpaityn bortta as ishedi. Bul týraly The Guardian jazdy, - dep habarlaidy Kaz.tengritravel.kz portaly Lenta.ru basylymyna silteme jasap.
Nippon Airways kompaniiasy klientterge erekshe qyzmetti - turaqqa qoiylǵan lainerde túski as usyna bastady. Olar muny "qanatty meiramhana" retinde tanystyrdy.
Qonaqtar aldyn ala japon nemese basqa eldiń taǵamdaryn tańdady. Ashylǵan kúni meiramhanaǵa 60 jolaýshy keldi. Olar taǵamnyń sapasy men dámin joǵary baǵalap, jańa qyzmetke riza boldy.
Basylymnyń málimetinshe, pandemiiaǵa bailanysty aviatsiia salasy úlken daǵdarysty bastan keship jatyr. Sondyqtan keibir áýekompaniia ushaqtar parkiniń toqtap qalý problemasyn sheshý úshin osyndai erekshe sheshimder taýyp jatyr. Mundai meiramhana Singapýr, Ulybritaniia jáne Finliandiia áýekompaniialarynda da bar.
