Iran prezidenti Hasan Rýhani eldiń 132 qalasynda koronavirýstyń taralý qaýpiniń tómendegenin jariialady, dep habarlaidy IRNA agenttigi.
Qaýip deńgeii tómen 132 qalada meshitter ashylyp, juma namazy oqylatyny málim boldy.
Otyrysta prezident kornavirýs infektsiiasynyń taralýyn toqtatýǵa arnalǵan Densaýlyq saqtaý ministrligi jariialaǵan hattamany saqtaǵany úshin el turǵyndaryna alǵysyn aitty.
Iran prezidentiniń aitýynsha, koronavirýs infektsiiasy bar adamdardy anyqtaýdyń birinshi kezeńi aiasynda 50 millionnan, ekinshi kezeńinde – 30 millionnan astam skrinningten ótken.
Prezident pandemiianyń aiaqtalý merzimi ázirge belgisiz ekenin habarlady. Ol sondai-aq, álem boiynsha 80-nen astam ortalyq virýsqa qarsy vaktsina ázirleýge tyrysp jatqanyn atap ótti.
Rýhani sonymen qatar mektepterdi 9 nemese 16 mamyrdan bastap ashý týraly usynystar kelip túskenin habarlady. Biraq naqty sheshim áli qabyldanǵan joq.
3 mamyr kúngi sońǵy derekter boiynsha Iranda koronavirýs juqtyrǵandar sany 96448 adamǵa jetken. 6156 adam virýstan qaitys bolǵan. 77350 adam emdelip, aýrýhanadan shyǵaryldy.
