Almaty halyqaralyq áýejaiy koronavirýs juqpasyna bailanysty Irannan kelgen jolaýshylardy da karantinge jabatyn boldy, dep habarlaidy "Ult aqparat".
Bul týraly áýejaidyń áleýmettik jelidegi paraqshasynda jariialandy.
QR Bas sanitarlyq dárigeriniń «Qazaqstan Respýblikasynda koronavirýs juqpasynyń profilaktikalyq sharalaryn kúsheitý týraly shara qabyldaý» jónindegi qaýlysyna sáikes 1 naýryzdan bastap COVID-19 juqpasynan qaýipti elderdiń sanaty qaita jasaldy.
«Birinshi sanattaǵy jolaýshylar eki topqa bólindi. A tobyna QHR men Irannan kelgen jolaýshylar jatqyzyldy. Bul elden kelgender 14 kúnge karantinge jabylady. B tobyna Gonkong, Makao, Taivan, Ońtústik Koreia, Italiia jáne Japoniia elderi jatqyzyldy. Bul elden kelgenderge adam kóp shoǵyrlanǵan jerlerge barýǵa tyiym salynady. 14 kún ishinde úilerinde bastapqy meditsinalyq kómek kórsetý qyzmetiniń baqylaýynda bolady. Ekinshi sanatqa Singapýr, Tailand, Ázerbaijan elderi jatqyzyldy. Bul elden kelgender turǵylyqty jeri boiynsha 14 kún meditsina qyzmetkerleriniń baqylaýynda bolmaq. Úshinshi sanat - Germaniia, AQSh, BAÁ, Ulybritaniia, Frantsiia, Bahrein, Kýveit, Ispaniia, Malaiziia elinen kelgender de turǵylyqty mekenjaiy boiynsha 24 kún meditsina qyzmetkerleriniń baqylaýynda bolmaq», - dedi áýejaidyń baspasóz qyzmetinen.
Munyń aldynda qabyldanǵan qaýlyda 1 sanatta tek Qytaidan kelgen jolaýshylar ǵana bolǵan.
