Iran biligi Tegeranda qulaǵan "Ýkraina halyqaralyq avialiniialary" kompaniiasynyń ushaǵy apatyna qatysty tergeýdiń alǵashqy qorytyndysyn jariialady, – dep habarlaidy RIA Novosti.
Eldiń azamattyq aviatsiia uiymynyń esebinde "lainer jerge soǵylǵanǵa deiin órtendi" delingen.
"Kýágerlerdiń málimetine sai, ushaqtan ot kóringen jáne ol onyń fiýzeliajy (korpýsy -) boiyna taraǵan", - dep naqtylanǵan qujatta.
Vedomstvo deregine sáikes, lainerdiń ushý traektoriiasy aqaý paida bolǵannan soń ekipaj ushaqty áýejai jaqqa keri burǵanyn kórsetedi. Degenmen osyndai kezde ushqyshtar bortta tótenshe jaǵdai týyndaǵanyn habarlamapty.
Qaiǵyly oqiǵa keshe tańerteń boldy. Kiev baǵytyndaǵy "Ýkraina halyqaralyq avialiniialarynyń" Boeing 737-800 ushaǵy Imam Homeini atyndaǵy áýejaidan áýege kóterilgennen keiin biraz ýaqyttan soń qulady.
Tegerandaǵy lainer apatynan 176 adam qaza tapty. Aldyn ala aqparat boiynsha, áýe apatyna qozǵaltqyshtyń isten shyǵýy sebep bolǵan.
