Foto: Getty Images
Iranda jappai narazylyqtar aiasynda internettiń óshirilýine bailanysty birqatar iri buqaralyq aqparat quraldarynyń jumysy ýaqytsha toqtap, birneshe saǵattan keiin qaita jandandy, dep habarlaidy Ult.kz.
Jumaǵa qaraǵan túni eldegi halyqtyq tolqýlar kúsheigen kezde Irannyń resmi aqparat agenttikteriniń saittary men messendjerleri qoljetimsiz bolǵan. Atap aitqanda, IRNA, ISNA, Nour News, Mehr agenttikteri, sondai-aq Khabar Fouri jańalyq agregatory Telegram jelisindegi paraqshalaryn birneshe saǵat boiy jańartpaǵan.
Resmi irandyq BAQ Telegram-daǵy habarlamalaryn shamamen jergilikti ýaqytpen túngi 03:45-te qaita jariialai bastaǵanymen, olardyń resmi saittary áli de istemei turǵany habarlandy.
BAQ-taǵy úzilis áleýmettik jelilerde eldiń birqatar qalalarynda ótken sherýlerdiń foto jáne beinejazbalary tarai bastaǵannan keiin oryn alǵan. Kadrlarda sherýge shyqqandar eldegi qazirgi saiasi júiege qarsy urandar aitqany kórinedi.
Irandaǵy narazylyqtar 2025 jyldyń jeltoqsan aiynyń sońynda iran rialynyń kúrt qunsyzdanýynan keiin bastalǵan. Alǵashqyda sebep valiýta baǵamynyń turaqsyzdyǵy men onyń baǵa ósimine áseri bolǵan. Keiinirek birqatar qalalarda beibit sherýler politsiiamen qaqtyǵysqa ulasyp, talaptar saiasi sipat ala bastaǵan.
Resmi emes derekterge sáikes, qaqtyǵystar barysynda kúshtik qurylym ókilderi men narazylyqqa qatysýshylar arasynda da adam shyǵyny bolǵan.
Aita keteiik, Iran qazirgi ýaqytta joǵary infliatsiia kezeńin bastan ótkerip jatyr. Iran Ortalyq bankiniń dereginshe, eldegi jyldyq infliatsiia deńgeii 38,9 paiyzǵa jetken. Al ulttyq valiýta – rial sońǵy ailarda dollarmen salystyrǵanda birneshe ret tarihi antirekord tirkegen.
