فوتو: Getty Images
يراندا جاپپاي نارازىلىقتار اياسىندا ينتەرنەتتٸڭ ٶشٸرٸلۋٸنە بايلانىستى بٸرقاتار ٸرٸ بۇقارالىق اقپارات قۇرالدارىنىڭ جۇمىسى ۋاقىتشا توقتاپ, بٸرنەشە ساعاتتان كەيٸن قايتا جانداندى, دەپ حابارلايدى Ult.kz.
جۇماعا قاراعان تٷنٸ ەلدەگٸ حالىقتىق تولقۋلار كٷشەيگەن كەزدە يراننىڭ رەسمي اقپارات اگەنتتٸكتەرٸنٸڭ سايتتارى مەن مەسسەندجەرلەرٸ قولجەتٸمسٸز بولعان. اتاپ ايتقاندا, IRNA, ISNA, Nour News, Mehr اگەنتتٸكتەرٸ, سونداي-اق Khabar Fouri جاڭالىق اگرەگاتورى Telegram جەلٸسٸندەگٸ پاراقشالارىن بٸرنەشە ساعات بويى جاڭارتپاعان.
رەسمي يراندىق باق Telegram-داعى حابارلامالارىن شامامەن جەرگٸلٸكتٸ ۋاقىتپەن تٷنگٸ 03:45-تە قايتا جارييالاي باستاعانىمەن, ولاردىڭ رەسمي سايتتارى ەلٸ دە ٸستەمەي تۇرعانى حابارلاندى.
باق-تاعى ٷزٸلٸس ەلەۋمەتتٸك جەلٸلەردە ەلدٸڭ بٸرقاتار قالالارىندا ٶتكەن شەرۋلەردٸڭ فوتو جەنە بەينەجازبالارى تاراي باستاعاننان كەيٸن ورىن العان. كادرلاردا شەرۋگە شىققاندار ەلدەگٸ قازٸرگٸ ساياسي جٷيەگە قارسى ۇراندار ايتقانى كٶرٸنەدٸ.
يرانداعى نارازىلىقتار 2025 جىلدىڭ جەلتوقسان ايىنىڭ سوڭىندا يران ريالىنىڭ كٷرت قۇنسىزدانۋىنان كەيٸن باستالعان. العاشقىدا سەبەپ ۆاليۋتا باعامىنىڭ تۇراقسىزدىعى مەن ونىڭ باعا ٶسٸمٸنە ەسەرٸ بولعان. كەيٸنٸرەك بٸرقاتار قالالاردا بەيبٸت شەرۋلەر پوليتسييامەن قاقتىعىسقا ۇلاسىپ, تالاپتار ساياسي سيپات الا باستاعان.
رەسمي ەمەس دەرەكتەرگە سەيكەس, قاقتىعىستار بارىسىندا كٷشتٸك قۇرىلىم ٶكٸلدەرٸ مەن نارازىلىققا قاتىسۋشىلار اراسىندا دا ادام شىعىنى بولعان.
ايتا كەتەيٸك, يران قازٸرگٸ ۋاقىتتا جوعارى ينفلياتسييا كەزەڭٸن باستان ٶتكەرٸپ جاتىر. يران ورتالىق بانكٸنٸڭ دەرەگٸنشە, ەلدەگٸ جىلدىق ينفلياتسييا دەڭگەيٸ 38,9 پايىزعا جەتكەن. ال ۇلتتىق ۆاليۋتا – ريال سوڭعى ايلاردا دوللارمەن سالىستىرعاندا بٸرنەشە رەت تاريحي انتيرەكورد تٸركەگەن.
