Foto: REUTERS/WANAMajid Asgaripour
Áleýmettik jelide Ázerbaijannyń Irandaǵy elshiligine jasalǵan shabýyldyń videosy paida boldy, - dep habarlaidy Tengrinews.kz.
Kadrlardan ǵimaratqa eki adam kirgenin kórýge bolady. Metall izdegishten ótken soń olardyń biri burylyp syrtqy esikti ashady da, qaita ishke júgirip kiredi.
Artynan qarýly er adam kirip, birden oq jaýdyrady. Shabýyl kezinde adamdar qashyp, tyǵylyp jatqany kórinedi.
Shabýylshy bólmelerdiń birine jaqyndaǵan kezde qarsy esikten kúzetshi júgirip shyǵyp, ony toqtatpaq bolady. Biraq er adam oq atýyn jalǵastyrady.
Eske salaiyq, shabýyl 27 qańtarda Baký ýaqyty boiynsha tańǵy saǵat 8:30 shamasynda bolǵan. Shabýylshy Kalashnikov avtomatynan oq jaýdyryp, qaýipsizdik qyzmetiniń basshysy qaza tapty. Elshiliktiń eki kúzetshisi de jaralanǵan. Qazir oqiǵa boiynsha tergeý amaldary júrgizilip jatyr.
