© AFP 2023 / SOHEIL FARAJI
Irandaǵy jer silkinisi men jarylystar kezinde zardap shekken qazaqstandyqtar joq. Bul týraly Syrtqy ister ministrliginiń resmi ókili Aibek Smadiiarov málimdedi, dep habarlaidy Sputnik Qazaqstan.
Ótken demalys kúnderi Irandaǵy áskeri nysandarda birneshe joiqyn jarylys boldy. Birqatar qalada áýe dabyly qaǵyldy. Al soltústik-batys jaǵynda 5,8 baldyq jer silkinisi boldy.
"Iran biliginiń málimetine sáikes, zardap shekkenderdiń arasynda Qazaqstan azamaty joq. Bizdiń elshiligimizge de ondai aqparat túsken joq", - dedi Smadiiarov búgingi brifingte.
Sondai-aq ministrliktiń resmi ókili Ázerbaijannyń Irandaǵy elshiligine jasalǵan qarýly shabýyldan keiin qaýipsizdik sharalaryn kúsheitýge qatysty pikir bildirdi. Onyń aitýynsha, bul - seriialyq shabýyldar emes. Sondyqtan Qazaqstannyń Irandaǵy elshiliginiń qaýipsizdik sharalaryn kúsheitýge negiz joq.
