Iran parlamentinde terrorlyq operatsiia aiaqtaldy, 4 lańkestiń kózi joiyldy. Bul týraly atalǵan eldiń IRNA aqparat agenttigi habarlady.
Saǵat 10.15-te bastalǵan terrorlyq operatsiia tústen keiin aiaqtaldy.
Bir lańkes ózin-ózi jaryp jiberdi jáne qalǵan úsheýin IR Saqshylar korpýsynyń sheneýnikteri joidy.
Iran Meditsinalyq járdem basshysy sársenbide agenttikke parlamentke jáne Homeini imamy mavzoleiine shabýyl saldarynan 12 adam kóz jumǵanyn, 42 adam jaraqat alǵanyn habarlady.
Bir ýaqytta mavzoleide de atys bastaldy.
Jalpy lańkestik saldarynan zardap shekken 37 adam aýrýhanaǵa jatqyzyldy.
DAISh lańkester toby parlamentke jáne Homeini imamy mavzoleiine shabýylǵa jaýapkershilikti moinyna aldy.
