Iranda koronavirýs juqtyrǵandar sany 91472-ge jetti, dep habarlaidy IRNA agenttigi.
Qaýipti indetten 5806 adam qaitys bolyp, 70933-i emdelip shyqty. Bul týraly dúisenbi kúni Densaýlyq saqtaý jáne meditsinalyq bilim berý ministrliginiń Qoǵammen bailanys departamentiniń basshysy Kiianýsh Djahanpýr habarlady.
«Sońǵy táýlikte 991 koronavirýs juqtyrý oqiǵasy tirkeldi. Indetke shaldyqqandardyń jalpy sany 91472 adamǵa jetti», - dep málimdedi Djahanpýr baspasóz máslihatynda.
Ol ókinishke qarai, sońǵy táýlikte 96 adam ómirden ótip, qaitys bolǵandardyń jalpy sany 5806-ǵa jetkenin atap ótti.
Djahanpýrdyń sózinshe, 3011 naýqastyń jaǵdaiy aýyr. 70933 adam indetti jeńip shyqqan.
Jańa koronavirýs 2019 jyldyń jeltoqsan aiynyń sońynda Ortalyq Qytaidyń halyq tyǵyz ornalasqan Ýhan qalasynda (12 million turǵyny bar) paida boldy. Dúniejúzilik densaýlyq saqtaý uiymy halyqaralyq dárejedegi tótenshe jaǵdai jariialady. Virýs QHR-dan tys álemniń 200-den astam eline tarady.
