Iranda koronavirýstan kóz jumǵandar sany 26 adamdy qurady, dep habarlaidy IRNA agenttigi.
Iran Islam Respýblikasy Densaýlyq saqtaý ministrliginiń ókili Kianýsh Djahanpýrdyń aitýynsha, elde indet juqtyrǵandar sany 245 adamǵa jetken.
«Koronavirýs juqtyrǵan jańa oqiǵalardyń 38-i Tegeranda, 23-i Gilianda, 7-i Kýmada, 1-i Hamadanda, 8-i Isfahanda, 7-i Mazandaranda, 58-i Ardebilde, 3-i Alborzede, 1-i Horosan Razavide, 3-i Semnanda, 2-i Kermanshahta, 3-i Lorestanda, 1-i Kúrdistanda, 1-i Iezde, 1-i Batys Ázerbaijandja jáne 2-i Shyǵys Ázerbaijanda tirkeldi», - dedi sheneýnik.
Koronavirýstyń jańa túri (2019-nCoV) 2019 jyldyń jeltoqsan aiynyń sońynda Ortalyq Qytaidyń halyq tyǵyz ornalasqan, iaǵni 12 million turǵyny bar Ýhan qalasynda tirkeldi. Dúniejúzilik densaýlyq saqtaý uiymy ony halyqaralyq dárejedegi tótenshe jaǵdai dep jariialap, aýqymdy epidemiia dep sipattady.
QHR bólek, virýs 27 elde anyqtalǵan, onyń ishinde Iran da bar.
