Foto: AP
Irannyń joǵarǵy basshysy aiatolla Hamenei kózqarasyn bildiretin úkimetshil Kayhan gazetiniń bas redaktory eldiń Nysanalyq keńesiniń múshesi Mohammadreza Bahonardyń sońǵy málimdemesin qatań synǵa aldy, dep habarlaidy Ult.kz.
Bahonar baspasóz máslihatynda sóilegen sózinde Iranda endi hidjab kiiý zańmen mindettelmeidi, bul talap buzylǵan jaǵdaida aiyppul nemese basqa da quqyqtyq shara qoldanylmaidy degen pikir aitqan edi.
Bul sóz qoǵamda úlken pikirtalas týǵyzdy, sebebi ol eldiń qoldanystaǵy zańdaryna ǵana emes, sonymen qatar Irannyń saiasi júiesiniń negizin quraityn islam qaǵidattaryna da qaishy keledi.
Kayhan basylymy Bahonardyń bul ustanymyn synǵa alyp, onyń sózi islamdyq normalardy saqtaýdyń mindettiligin kúmánge qaldyratynyn jáne biliktiń moraldyq bedeline nuqsan keltirýi múmkin ekenin atap ótti. Sondai-aq gazet Bahonardyń hidjab týraly zańnyń joiylǵany jónindegi sózi Irannyń resmi saiasaty turǵysynan zańdylyq máselelerin týyndatatynyn jazdy.
