Irannyń eń tanymal diplomattarynyń biri ári memlekettik qairatkeri, Irannyń syrtqy ister ministri Mohammad Javad Zarif qaýipsizdik týrasynda óz paiymymen bólisti, dep habarlaidy QazAqparat.
«Álem elderi bir-birimen tyǵyz qarym-qatynasta ómir súredi. Sol sebepti, qaýipsizdik nemese ekologiialyq máseleler belgili bir memlekettiń ǵana problemasy emes ekenin eskerý kerek. Soǵys bolsyn, qarýly konfrantatsiia bolsyn – kez kelgen el belgili bir jeńilistiń dámin tatady. Alianstar men memleketter arasynda dialog ornaýy tiis. Biz qarýlanýǵa qarajatty salǵan saiyn ózimizdi qaýipsizdiktemiz dep oilaityn sekildimiz. Men AQSh-taǵy 2001 jyldyń 11 qyrkúiegindegi áigili oqiǵadan keiin Niý-Iorkte boldym. Niý-Iorktegi halyqtyń kózinen sonda men úreidi kórdim. Qarýlanýǵa eń kóp qarjy salatyn qýatty derjavanyń ózi qaýipsizdikti satyp ala almaidy», - dedi Mohammad Javad Zarif Astana Club otyrysynda.
Irandyq diplomattyń aitýynsha, kez kelgen memleket óziniń kórshi elin – áriptesi, dosy retinde qabyldaýy kerek.
«Eger Aýǵanstan haýsta bolsa, Irandaǵy qaýipsizdik týraly jaq ashpai-aq qoiýǵa bolady. Siriiadaǵy soǵys aiaqtalmasa, aimaq tynyshtyqta bolmasy anyq. Sol sebepti, qaýipsizdik máselesin qashan da birlese sheshý kerek», - dedi ol.
