Foto: life.ru
Irannyń memlekettik telearnasy azamattarǵa uialy telefonynan WhatsApp qosymshasyn óshirýge keńes bergen edi, dep habarlaidy Ult.kz inbusiness.kz-ke silteme jasap.
Óitkeni, messendjer "qoldanýshylar deregin Izrailge joldap jatqan bolýy múmkin" degen kúdik bar. Biraq, oǵan naqty dálel joq.
Dese de, Meta korporatsiiasyna tiesili WhatsApp kompaniiasy resmi málimdeme jasap, mundai aýyr aiyptaýdy teriske shyǵardy.
– Osy jalǵan habarlamalar qyzmetti buǵattaýǵa sebep bolýy múmkin, al adamdar úshin bailanysta bolý ásirese mańyzdy. Biz qoldanýshylardyń naqty ornalasqan jerin baqylamaimyz, sóilesý jýrnaldaryn saqtamaimyz jáne úkimetterge jappai aqparat bermeimiz, – delingen málimdemede.
Degenmen, sarapshylar qosymsha áli de shifrlanbaǵan metaderekterdi jinaýy múmkin ekenin aitqan.
– Memleketter óziniń algoritmderin paidalanyp, derekterdi óz aýmaǵynda ornalastyryp, óńdeýi kerek. Globaldy saqtaý infraqurylymyna degen senim tómendep keledi, – deidi Kornell ýniversitet injenerlik fakýltetiniń professory Gregori Falko.
Negizinen, Iranda áleýmettik jelilerge qoljetimdilik ýaqytsha shektelip turady. Resmi tyiym bolsa da, kóptegen paidalanýshy ony VPN arqyly elemeýge tyrysady.
