Irannyń Islam revoliýtsiiasy saqshylar korpýsy alǵashqy áskeri spýtnigin orbitaǵa shyǵarǵanyn habarlady. Saqshylar korpýsyna qaraityn uiym saitynda habarlama jariialandy.
Aqparatqa sáikes, "Nur" spýtnigi Irannyń ortalyq aimaǵyndaǵy ailaqtan ushyrylǵan "Kased" ekisatyly zymyran tasyǵyshynyń kómegimen orbitaǵa shyǵarylǵan. Spýtnik jerden 425 shaqyrym biiktikte qalqyp tur. Ázirge ózge elder bul aqparatty rastamady.
Saqshylar korpýsy zymyran tasyǵyshtyń sýretin jariialady. Azattyqtyń Iran qyzmetiniń habarlaýynsha, zymyran korpýsynda Qurannan úzindi keltirilgen.
- Iran ǵarysh jáne zymyran baǵdarlamalaryn damytýǵa kóp kóńil bólip, buǵan deiin ǵaryshqa birneshe spýtnik ushyrǵan, sýborbitalyq biiktikke maimyl otyrǵan apparatty ushyryp, qaita qondyrǵan.
- Kóptegen batys elderi Tegeran beibit ǵarysh baǵdarlamasyn jeleý etip, zymyran baǵdarlamasyn damytyp jatyr dep qaýiptenedi. Olar Irandy BUU Qaýipsizdik keńesiniń qararyn buzbaýǵa shaqyrǵan.
- Iran Islam revoliýtsiiasy saqshylar korpýsy AQSh-ta terroristik uiym retinde tanylǵan.
