QR SIM resmi ókiliniń aitýynsha, ondaǵy balalar osy aidyń ishinde elge jetkiziledi, dep habarlaidy QazAqparat.
«Irakta júrgen kishkentai qazaq balalaryn elge alyp kelemiz. Jaqyn arada bolýy kerek. Osy aidyń ishinde... Naqty qashan ekenin aita almaimyn. Balalardyń shesheleri sottalyp, túrmede otyr. Sondyqtan, balalary jat elde qalmasyn dep, osyndaǵy týǵan-týystary ótinish bildirdi. Sol balalardy alyp kelemiz. Árine, buqaralyq aqparat quraldary ókilderin áýejaidan kútip alýǵa shaqyramyz», - dedi Aibek Smadiiarov vedomstvoda ótken brifing barysynda.
Eske sala ketsek, elordada 9 qazanda ótken Eýropadaǵy qaýipsizdik jáne yntymaqtastyq uiymynyń (EQYU) Aýǵanstan boiynsha jiynynda QR Syrtqy ister ministri Muhtar Tileýberdi Qazaqstannyń Iraktan 14 balany qaitarý baǵytynda jumys júrgizip jatqanyn habarlaǵan bolatyn.
«Olardyń analary sol jaqta ómir boiyna bas bostandyǵynan aiyrylǵan», - degen edi ministr.
