قر سٸم رەسمي ٶكٸلٸنٸڭ ايتۋىنشا, ونداعى بالالار وسى ايدىڭ ٸشٸندە ەلگە جەتكٸزٸلەدٸ, دەپ حابارلايدى قازاقپارات.
«يراكتا جٷرگەن كٸشكەنتاي قازاق بالالارىن ەلگە الىپ كەلەمٸز. جاقىن ارادا بولۋى كەرەك. وسى ايدىڭ ٸشٸندە... ناقتى قاشان ەكەنٸن ايتا المايمىن. بالالاردىڭ شەشەلەرٸ سوتتالىپ, تٷرمەدە وتىر. سوندىقتان, بالالارى جات ەلدە قالماسىن دەپ, وسىنداعى تۋعان-تۋىستارى ٶتٸنٸش بٸلدٸردٸ. سول بالالاردى الىپ كەلەمٸز. ەرينە, بۇقارالىق اقپارات قۇرالدارى ٶكٸلدەرٸن ەۋەجايدان كٷتٸپ الۋعا شاقىرامىز», - دەدٸ ايبەك سماديياروۆ ۆەدومستۆودا ٶتكەن بريفينگ بارىسىندا.
ەسكە سالا كەتسەك, ەلوردادا 9 قازاندا ٶتكەن ەۋروپاداعى قاۋٸپسٸزدٸك جەنە ىنتىماقتاستىق ۇيىمىنىڭ (ەقىۇ) اۋعانستان بويىنشا جيىنىندا قر سىرتقى ٸستەر مينيسترٸ مۇحتار تٸلەۋبەردٸ قازاقستاننىڭ يراكتان 14 بالانى قايتارۋ باعىتىندا جۇمىس جٷرگٸزٸپ جاتقانىن حابارلاعان بولاتىن.
«ولاردىڭ انالارى سول جاقتا ٶمٸر بويىنا باس بوستاندىعىنان ايىرىلعان», - دەگەن ەدٸ مينيستر.
