12 tamyzda Halyqaralyq Jastar kúninde Esil ózeniniń jaǵasynda ashyq aspan astynda aýqymdy mýzykalyq festival ótti, dep habarlaidy Astana ákimdiginiń resmi saity.
Astana qalasy Jastar saiasaty máseleleri basqarmasynyń basshysy Samat Ibraev jastardy merekemen quttyqtap, ótkizilip jatqan is-sharalar týraly tolyǵyraq aityp ótti.
«Barlyq jastardy merekemen quttyqtaimyn! Jastar kúnin merekeleý qurmetine «Jjastarmen birge» ulttyq onkúndigi bekitildi, ol 3-12 tamyz aralyǵynda jalǵasty. Onkúndik aiasynda ekologiialyq mádenietti damytý, salaýatty ómir saltyn nasihattaý, eńbekqorlyqty ilgeriletý jáne basqa da baǵyttar boiynsha birqatar is-sharalar uiymdastyryldy. Búgin jańa stýdenttik úidiń ashylýy, Bos oryndar jármeńkesi ótti. Biz halyqaralyq jastar kúnin ashyq aspan astyndaǵy kontsertpen aiaqtaǵymyz keledi. Biz jastarǵa merekelik kóńil kúi syilai aldyq dep senemiz», - dedi Samat Ibraev.
Kesh qonaqtary otandyq estrada juldyzdary Dastan Orazbekov, Izbasar Keńesov, Jeńis Ǵarifolla, Nýrik Barmakov boldy. BayGUYS toby Open Air-de júrgizýshi retinde kelýshilerdi jaǵymdy áserge bóledi.
Sonymen qatar festivalge kelýshiler úshin viktorinalar men konkýrstar daiyndaldy. Eń belsendi qatysýshylar power bank, qulaqqaptar, mýzykalyq dinamikter siiaqty baǵaly syilyqtarǵa ie boldy. Sol jerde jeńimpazdyń aty jariialandy. Ol 21 jastaǵy Qulshar Bekzat boldy.
«Biyl elorda kóptegen qyzyqty is-sharalarmen, kontserttermen, festivaldarmen qýantady. Kezekti Open Air jastar úshin arnaiy uiymdastyrylǵanyn bilgende tań qaldym. Biz dostarymyzben birge tamasha jumys keshin ótkizdik, án aittyq, biledik, kóńil kóterdik. Barshańyzdy Halyqaralyq Jastar kúnimen quttyqtaimyn!» - dedi elorda turǵyny Malika Mamirhanova.
