Iordaniianyń myńdaǵan turǵyny Palestina halqyn qoldap, sap túzep, Iordaniia-Izrail shekarasyna bettedi, dep habarlaidy "Ult aqparat".
Juma kúni iordaniialyqtar Ammandaǵy Izrail elshiliginiń aldynda narazylyq aktsiiasyn ótkizdi. Olar Palestina halqyn qoldap, Izrail áskeriniń Gaza sektorynda áskeri operatsiiany toqtatýyn talap etti.
Sherýge Iordaniia halqymen birge, saiasi partiialar, qoǵamdyq jáne dini uiymdardyń ókilderi de qatysty. Sherýshilerdiń arasynda bir top Iordaniia men Izrail shekarasyna jaqyn ornalasqan Karama soǵysynda qaza tapqandardyń Memorialyna qarai bet alǵan bolatyn. Budan soń sherýshiler palestinalyqtarmen birge Izrailge qarsy turý úshin shekarashylardan joldyń ashýyn talap etti. Sherýshilerdiń keibiri tipti shekara asýǵa umtyldy, alaida Iordaniia áskeri olardy toqtatty.
Mundai demonstratsiialar Iordaniianyń ózge de qalalarynda ótip jatyr. Narazylyq aktsiialary qalalardyń ortalyqtarynda, jolairyqtarda jáne meshitterdiń alańdarynda ótip jatyr.
«Iordaniialyqtardyń búgin ótkizip jatqan narazylyq aktsiialary men sherýleri olardyń palestinalyq baýyrlar men qasietti Ál-Aqsa meshitin qoldaitynyn kórsetedi jáne bul Iordaniia turǵyndarynyń tabandy tarihi ustanymy», - dedi BAQ jónindegi memlekettik ministr jáne Úkimettiń resmi ókili Saher Dýdin.
«Ótip jatqan sharalar iordaniialyqtardyń ustanymynyń birligin kórsetedi. Iordaniia halqy búgingidei álemdi pandemiia jailaǵan qiyn-qystaý ýaqytqa qaramastan búgingi sherýdi ótkizý qajet dep tapty», - dep qosty saiasatker.
Dýdinniń sózinshe, halyq sherýi mártebeli korol II Abdalla kúsh salyp otyrǵan saiasi jáne diplomatiialyq baǵytty tolyqtyra túsedi. Korol Ierýsalimdi qashanda qaýip aýmaǵy dep atap kelgen. Al Izrail óziniń dóreki de zańsyz saiasatymen óńirdegi jaǵdaidy odan saiyn ýshyqtyryp otyr jáne osy arqyly búkil óńirdiń qaýipsizdigine áserin tigizýde.
