Búgin, jumada Ion teńizinde bortynda 237 jolaýshysy bar lainerde órt shyqty, dep habarlaidy QazAqparat France-Presse agenttigine silteme jasap.
«Bortta 51 ekipaj múshesi de bolǵan. Oqiǵa ornyna úsh patrýldik qaiyq pen jaǵalaý kúzetiniń úsh býksiri jiberildi», -delingen jergilikti politsiia qyzmetiniń málimdemesinde.
Oqiǵa Grekiianyń Korfý aralynyń jaǵalaýynda bolǵan. Aldyn ala málimet boiynsha, eshkim zardap shekpegen. Órttiń shyǵý sebebi áli belgisiz, oqiǵanyń mán-jaiy anyqtalyp jatyr, dep habarlady politsiia.
