QR Premer-Ministri Asqar Maminniń tóraǵalyǵymen ótken Investitsiialyq ahýaldy jaqsartý jónindegi keńes (IAJK) otyrysynda Qazaqstanda salyq reformasyn iske asyrý máseleleri qaraldy. Bul týraly "Ult aqparat" Úkimettiń baspasóz qyzmetine silteme jasap habarlaidy.
QR-daǵy salyq saiasatyn jetildirý perspektivalary, korporativtik salyq salýdyń jahandyq strategiialary jáne olardyń qolaily investitsiialyq ahýaldy qalyptastyrýdaǵy róli týraly Qazaqstanda akkredittelgen Kanada elshisi Nikolia Brýsso, Eýropalyq Odaq elshisi Sven-Olov Karlsson, AQSh isterindegi ýaqytsha senimdi ókil Teodor Ling, Ulybritaniia isterindegi ýaqytsha senimdi ókil Djonatan Leifild, sondai-aq EY, Exxon Mobil, Deloitte jáne t. b. kompaniialardyń ókilderi baiandama jasady. Qazaqstan tarapynan ulttyq ekonomika ministri Áset Erǵaliev pen qarjy vitse-ministri Qanat Baedilov túsinikteme berdi. Sheteldik ókilder Qazaqstannyń salyqtyq ákimshilendirý reformasyn júrgizý boiynsha qabyldap jatqan sharalaryna oń baǵa berdi, sondai-aq QR fiskaldyq júiesin odan ári jańǵyrtý boiynsha birqatar usynystar aitty.
«2021 jyldyń birinshi toqsanynda QR ekonomikasynyń naqty sektory qarqyndy damydy. Ósim óńdeý ónerkásibinde (+7,5%), qurylysta (+13,1%) jáne aýyl sharýashylyǵynda (+2,8%) baiqaldy. Negizgi kapitalǵa salynǵan investitsiialardyń ósýi taý-ken óndirisin esepke almaǵanda 34% qurady. Saýda men kólik salasyn qosa alǵanda, kórsetiletin qyzmetter sektorynda da oń dinamika baiqalady», — dedi A. Mamin.
Premer-Ministr Úkimettiń daǵdarysqa qarsy qabyldaǵan sharalary nátijesinde HVQ-nyń álemdik ekonomikaǵa sáýir aiynda jasaǵan sholýynda 2021 jyly Qazaqstannyń JIÓ ósiminiń boljamy 3,0%-dan 3,2%-ǵa deiin jaqsarǵanyn atap ótti. Moody's, Fitch jáne Standard&Poor's jetekshi reiting agenttikteri de pandemiiaǵa deiingi reitingterdi rastady jáne Qazaqstan ekonomikasynyń damýynda 3,2-3,8% aralyǵyndaǵy oń boljamyn jasady.«Reformanyń nátijesinde salyq júiesi neǵurlym ikemdi bolady jáne QR ekonomikasyna ishki jáne syrtqy investitsiialardy tartý kólemin odan ári arttyrýǵa yqpal etedi. Biz Qazaqstannyń aiqyn ári ashyq salyq júiesi bar senimdi jáne boljamdy memleket retindegi halyqaralyq ustanymyn odan ári nyǵaitý boiynsha usynymdardyń tiimdi oryndalýyn qamtamasyz etemiz», — dep túiindedi A. Mamin.
