Petropavl turǵyny áleýmettik jelide alaiaqtardyń arbaýyna túsip, 3 mln-ǵa jýyq teńgesinen aiyryldy. Jyldam paida kórmek bolǵan er adam endi qaryzǵa belshesinen batqan, dep habarlaidy QazAqparat.
Soltústik Qazaqstan oblysy politsiia departamenti baspasóz qyzmetiniń málimetinshe, Petropavl turǵyny áleýmettik jelilerdiń birinde aqshany tez eseleýdi usynǵan paraqshanyń jarnamasyn kórip qalady.
Ol usynylǵan silteme boiynsha saitta tirkelgen. Kóp keshikpei brokerlik saittyń ókilderimiz degen bireýler WhatsApp messendjeri arqyly bailanysqa shyqqan.
Alaiaqtardyń nusqaýlary boiynsha er adam 65 myń teńge investitsiia salǵan. Birazdan soń saitqa aqshasynyń eselengeni jóninde habarlama keledi.
Muny kórgen er adam tabysyn tekserip, eki bankten million teńgeden nesie, tanysynan 850 myń teńge qaryz alyp, barlyq qarjysyn «investitsiiaǵa» salady.
Keiin «menedjerler» bailanysqa shyqpai qoiǵan. Er adam saittaǵy shottan qarajatyn qaitara almaǵan.
3 millionǵa jýyq aqshasyn alaiaqtarǵa bergenin túsingen ol, politsiiaǵa júgindi.
«Oblysta jyl basynan «aqsha eseleýmen» bailanysty internet-alaiaqtyqtyń 17 faktisi tirkeldi. Keide kúmándi usynystardan mol tabys tabýǵa jábirlenýshilerdi tanystary tartady, kei jaǵdaida alaiaqtar brokerlik saittardyń kóshirmelerine senip qalady. Qýlyqtyń bul túri barlyq elderde kezdesedi. Sondyqtan internette saq bolýǵa, ońai oljaǵa senbeýge, kúmándi siltemeler boiynsha ótpeýge keńes beremiz», - deidi SQO PD kriminaldyq politsiia basqarmasynyń bastyǵy Marat Jumaliev.
