Internet artqyly esirtki satatyndarǵa jaza kúsheitiledi. Bul týraly Parlament Májilisiniń jalpy otyrysy qylmystyq-protsestik zańnamany jetildirý máselelerin talqylaý barysynda QR Bas prokýrorynyń orynbasary Marat Ahmetjanov málim etti, dep habarlaidy QazAqparat.
«Zańsyz esirtki ainalymy úshin elektrondy aqparat resýrstardy paidalaný degen saralaý belgisi engizilmek. Bundai qylmystar úshin 15 jylǵa deiin bas bostandyǵynan aiyrý kózdelip otyr. Qazir jastar kóbine internette, áleýmettik jelilerde otyrady. Al esirtki satýshylar bolsa, tehnologiialardy paidalaný arqyly ózderiniń teris piǵyldaryn iske asyrýda. Olardy keńinen qoldaný arqyly esirtkini taratýdyń jańa jolyn taýyp alǵan. Bul jaǵdai zańnamalyq ózgeristerdi talap etedi», - dedi Marat Ahmetjanov.
Aita keteiik, búgin jalpy otyrysta palata depýtattary «Qazaqstan Respýblikasynyń keibir zańnamalyq aktilerine qylmystyq jáne qylmystyq-protsestik zańnamany jetildirý máseleleri boiynsha ózgerister men tolyqtyrýlar engizý týraly» zań jobasy talqylap, birinshi oqylymda maquldady.
Osy oraida, urlyqqa qatysty áreketter aýyr qylmystar sanatyna kóshetini málim boldy.
Sonymen qatar, inspektordy jáne qoryqshynyń ómirine qaýip tóndirip, kúsh qoldanǵany úshin jaýapkershilik engizý qarastyrylǵan. Osyndai qylmystar úshin jiyrma jylǵa deiin bas bostandyǵynan aiyrý bolady.
