Foto: ashyq derekkóz
Elimizde halyqtyń ómir súrý sapasyn arttyrýǵa baǵyttalǵan 50-den astam AI-agentter belsendi túrde qalyptasýda. Premer-ministrdiń orynbasary — jasandy intellekt jáne tsifrlyq damý ministri Jaslan Mádiev Úkimet otyrysynda JI-di meditsinada jáne kásipkerlikte engizý týraly baiandady, dep habarlaidy Ult.kz.
Atap aitqanda, Cerebra AI júiesi birqatar óńirde insýlttan bolatyn ólim-jitimdi 40%-ǵa tómendetýge múmkindik berdi, al biznesti bastaý boiynsha Qarjy ministrligimen birlesken joba kásipkerlerge operatsiialyq shyǵyndardy 2 esege qysqarta otyryp, ońtaily oryndardy tańdaýǵa kómektesedi.
«Densaýlyq saqtaý salasyndaǵy nátijeli keisterdiń biri – Cerebra AI. Bul – insýltti erte diagnostikalaýǵa arnalǵan jasandy intellekt. Ol kompiýterlik tomografiia nátijesin 30 minýttyń ornyna 5-10 minýt ishinde taldaidy. Ol insýlt diagnostikasyn edáýir jyldamdatady jáne dáldigin arttyrady. Júie elordadaǵy 17 emhanada, sondai-aq Aqmola, Mańǵystaý, Jambyl jáne Almaty oblystarynda engizildi», — dep atap ótti ministr.
