فوتو: اشىق دەرەككٶز
ەلٸمٸزدە حالىقتىڭ ٶمٸر سٷرۋ ساپاسىن ارتتىرۋعا باعىتتالعان 50-دەن استام AI-اگەنتتەر بەلسەندٸ تٷردە قالىپتاسۋدا. پرەمەر-مينيستردٸڭ ورىنباسارى — جاساندى ينتەللەكت جەنە تسيفرلىق دامۋ مينيسترٸ جاسلان مەديەۆ ٷكٸمەت وتىرىسىندا جي-دٸ مەديتسينادا جەنە كەسٸپكەرلٸكتە ەنگٸزۋ تۋرالى باياندادى, دەپ حابارلايدى Ult.kz.
اتاپ ايتقاندا, Cerebra AI جٷيەسٸ بٸرقاتار ٶڭٸردە ينسۋلتتان بولاتىن ٶلٸم-جٸتٸمدٸ 40%-عا تٶمەندەتۋگە مٷمكٸندٸك بەردٸ, ال بيزنەستٸ باستاۋ بويىنشا قارجى مينيسترلٸگٸمەن بٸرلەسكەن جوبا كەسٸپكەرلەرگە وپەراتسييالىق شىعىنداردى 2 ەسەگە قىسقارتا وتىرىپ, وڭتايلى ورىنداردى تاڭداۋعا كٶمەكتەسەدٸ.
«دەنساۋلىق ساقتاۋ سالاسىنداعى نەتيجەلٸ كەيستەردٸڭ بٸرٸ – Cerebra AI. بۇل – ينسۋلتتٸ ەرتە دياگنوستيكالاۋعا ارنالعان جاساندى ينتەللەكت. ول كومپيۋتەرلٸك توموگرافييا نەتيجەسٸن 30 مينۋتتىڭ ورنىنا 5-10 مينۋت ٸشٸندە تالدايدى. ول ينسۋلت دياگنوستيكاسىن ەدەۋٸر جىلدامداتادى جەنە دەلدٸگٸن ارتتىرادى. جٷيە ەلورداداعى 17 ەمحانادا, سونداي-اق اقمولا, ماڭعىستاۋ, جامبىل جەنە الماتى وبلىستارىندا ەنگٸزٸلدٸ», — دەپ اتاپ ٶتتٸ مينيستر.
