Qyzylorda qalasynyń 32 jastaǵy turǵyny internet-alaiaqtyq jasaǵany úshin sottalyp, 3 jyl 1 ai merzimge bas bostandyǵyn shekteý jazasyna kesildi, dep habarlaidy ult.kz.
Sot materialdaryna sáikes, azamat 2024 jyly aldyn ala sóz bailasqan adamdar tobymen birge Instagram áleýmettik jelisinde jalǵan paraqsha ashqan. Ol bóten adamdardyń jeke derekterin paidalanyp, turǵyndarǵa «salǵan aqshańyzdy eselep qaitaramyn» dep ýáde bergen.
Tergeý barysynda kúdiktiniń jábirlenýshilerdiń qarajatyn býkmekerlik keńse men elektrondy tólem júieleri arqyly iemdengeni anyqtalǵan.
Alaiaqtyq áreketteriniń saldarynan respýblika boiynsha 154 adam zardap shegip, keltirilgen jalpy shyǵyn shamamen 12 million teńgeni quraǵan.
Sot otyrysynda aiyptalýshy óz kinásin tolyq moiyndap, barlyq jábirlenýshilerge keltirilgen materialdyq shyǵyndy ótegen. Osyǵan bailanysty sot oǵan bas bostandyǵynan aiyrýmen bailanysty emes jaza taǵaiyndaǵan.
Qazirgi ýaqytta sottalǵan azamat turǵylyqty jeri boiynsha probatsiialyq baqylaýda jazasyn ótep jatyr. Sot úkimi zańdy kúshine endi.
