«Ohotzooprom» ÓB» RMQK inspektory E. Nurǵalievtiń ólimine qatysy bar barlyq brakoner anyqtaldy. Bul týraly QR IIM Ishki jáne syrtqy kommýnikatsiialar departamentiniń direktory Almas Sadýbaev málim etti, dep habarlaidy QazAqparat tilshisi.
«Atalǵan fakti boiynsha Qaraǵandy oblystyq politsiia departamenti Tergeý basqarmasymen QR QK 99 baby 2 tarmaǵynda kózdelgen qylmys belgileri boiynsha sotqa deiingi tergeý júrgizilip jatyr. Búgingi kúni keshendi tergeý sharalarynyń nátijesinde atalǵan qylmysqa jasaýǵa qatysy bar barlyq tulǵalar anyqtaldy. Qazirgi ýaqytta olardy ustaýǵa baǵyttalǵan jumystar júrgizilip jatyr. Qylmyskerlermen aradaǵy qaqtyǵysqa qaza tapqan inspektordyń týǵan-týystary men jaqyndaryna kóńil aitamyz», - dedi Almas Sadýbaev.
Esterińizge sala ketsek, osydan birneshe kún buryn 5 kiik atqan brakonerlermen qaqtyǵysta aýyr jaraqat alǵan «Ohotzooprom» ÓB» RMQK inspektory Erlan Nurǵaliev 15 qańtarda Astananyń №1 aýrýhanasynda qaitys bolǵan edi.
Al búgin Parlament Májilisinde tilshilerge Bas prokýrordyń orynbasary Andrei Lýkin bul isti Bas prokýrory Qairat Qojamjarov tikelei baqylaýyna alǵanyn aitty.
