Qaraǵandy oblysyndaǵy inspektor Erlan Nurǵalievtyń ólimine qatysty kúdiktiler ustaldy, dep habarlaidy QazAqparat tilshisi.
«Búgin IIM Qylmystyq politsiia departamenti qyzmetkerleriniń Qyzylorda oblysyndaǵy arnaiy operatsiiasynyń nátijesinde jeke úilerdiń birinen «Ohotzooprom» ÓB» RMQK inspektory Nurǵaliev Erlan Balǵabekulynyń óltirilýine qatysty úsh kúdikti ustaldy. Qylmys inspektordyń Qaraǵandy oblysy Nura aýdanynda qyzmettik mindetin atqarý kezinde bolǵan edi», - dep habarlaidy QR IIM Memlekettik til jáne aqparat departamentiniń direktory Almas Sadýbaev.
Qazirgi ýaqytta tergeý amaldary júrgizilip jatyr. Kúdiktilerdiń úsheýi de ýaqytsha oqshaýlaǵyshqa qamalǵan. Sotqa deiingi tergeý amaldary jalǵasýda.
Esterińizge sala ketsek, 5 kiik atqan brakonerlermen qaqtyǵysta aýyr jaraqat alǵan «Ohotzooprom» ÓB» RMQK inspektory Erlan Nurǵaliev 15 qańtarda Astananyń №1 aýrýhanasynda qaitys bolǵan edi.
Al keiin bul isti QR Bas prokýrory Qairat Qojamjarov tikelei baqylaýyna alǵanyn aitqan bolatyn.
