«Shaisultan Shaiahmetov atyndaǵy «Til-Qazyna» ulttyq ǵylymi-praktikalyq ortalyǵy» kommertsiialyq emes aktsionerlik qoǵamy innovatsiialyq jobalar men tyń ideialarǵa baiqaý jariialaidy.
Baiqaýdyń maqsaty - «Qazaq tili álipbiin kirillitsadan latyn grafikasyna kóshirý týraly» Qazaqstan Respýblikasy Prezidentiniń 2017 jylǵy 26 qazandaǵy № 569 Jarlyǵyn júzege asyrý, Qazaq tili álipbiin latyn grafikasyna 2025 jylǵa deiin kezeń-kezeńmen kóshirý jónindegi is-sharalar josparyn bekitý týraly QR Premer-Ministriniń Ókimin oryndaý.
Halyqtyń latyn álipbiin jyldam, yńǵaily jáne saýatty igerip ketýine yqpal etý. Latyn álipbiin úiretýde qoǵamnyń qabyldaý deńgeiin, meńgerý deńgeiin, jas ereksheligin eskere otyryp, grafikany jyldam úirenýine jaǵdai jasaý, innovatsiialyq jobalardyńsanyn arttyrý, memlekettik tildiń aýditoriiasyn keńeitý.
Baiqaýǵa qatysatyn jobalarǵa qoiylatyn talaptar:
innovatsiialyq IT tehnologiialardy qoldana otyryp, balalar men eresekterge latyn álipbiin úiretýge arnalǵan onlain-qosymshalar jáne elektrondyq nusqadaǵy oqý kýrstary men tyń jobalar ázirleý;
Kópfýnktsionaldy konverter ázirleý jáne tehnikalyq qoldaý;
Qaǵaz mátindi taný jáne ony latyn grafikasyna aýdarý;
Tilqazyna.kz resmi saityn ázirleý jáne BAQ-ta nasihattaý;
iOS, Android úshin mobildi qosymshalar ázirleý;
Mashinalyq oqytý negizinde tildi oqytýǵa arnalǵan veb-servis qurý;
Memlekettik tildi úiretý jáne nasihattaýǵa arnalǵan veb jáne IT infraqurylym qurý;
Qazaq tilinde qyzyqty ári erekshe jobalar ázirleý (kontent);
Latyn grafikasy negizinde túsindirý jumystaryn júrgizý boiynsha beinebloktar ázirleý (aqparattyq-jarnamalyq, tanymdyq, vain túsirý jáne BAQ-ta jariialaý);
Ótinimder aǵymdaǵy jyldyń 25 shildesine deiin qabyldanady.
Jobanyń tujyrymdamasyn, qurylymyn (prezentatsiia túrinde) jáne baǵalyq usynysty, múmkin bolsa, pilottyq nusqany kórsetilgen mekenjaiǵa tikelei nemese poshta arqyly joldaýlaryńyzǵa bolady.
Astana qalasy Syǵanaq 25, «Ańsar» biznes ortalyǵy, 2-qabat «Shaisultan Shaiahmetov atyndaǵy «Til-Qazyna» ulttyq ǵylymi-praktikalyq ortalyǵy» KeAQ.
Eskertý: Qujattary tolyq emes, kórsetilgen merzimnen kesh usynylǵan jobalar saraptamalyq keńestiń taldaýyna jiberilmeidi. Materialdardy irikteý jáne saraptamalyq keńeske usyný «Shaisultan Shaiahmetov atyndaǵy «Til-Qazyna» ulttyq ǵylymi-praktikalyq ortalyǵy» KeAQ quziretinde.
Múmkindigińizdi múlt jibermeńiz! Bolashaǵymyzdy birge jasaiyq. Til taǵdyry siz ben bizdiń qolymyzda.
Suraqtar boiynsha 8(7172) 27-71-33 nómirine (tilalemi.kz@gmail.com) habarlasýǵa bolady.
