Foto: Pexels.com
Qazaqstannyń infraqurylymdyq damýynda 2024 jyl mańyzdy kezeńge ainaldy. Prezident Qasym-Jomart Toqaev Úkimettiń keńeitilgen otyrysynda kólik, energetika jáne áleýmettik infraqurylymdardy jańǵyrtý basym baǵyttardyń biri ekenin atap ótti. Memlekettik jáne jeke investitsiialardy tiimdi paidalaný, sapaly jobalardy júzege asyrý, qarjylyq baqylaýdy kúsheitý qajettiligine erekshe nazar aýdaryldy, dep habarlaidy Primeminister.kz.
Ulttyq infraqurylym jospary
2029 jylǵa deiingi Ulttyq infraqurylym jospary tórt negizgi baǵytty qamtityn 204 jobany iske asyrýdy kózdeidi:
1. Energetika – energiiamen senimdi qamtamasyz etý, jańartylatyn energiia kózderin damytý.
2. Kólik – avtojoldar men temirjoldardy jańǵyrtý.
3. Sýmen jabdyqtaý – aýyl-aimaqtardy taza aýyzsýmen qamtý.
4. Tsifrlandyrý – infraqurylymǵa tsifrlyq sheshimderdi engizý.
Energetika salasy
2024 jyly energetikalyq infraqurylymdy damytý aiasynda 14 iri jobaǵa 52,7 mlrd teńge bólinip, jylý-elektr júielerin jańǵyrtýǵa basymdyq berildi. JEK damytýda halyqaralyq áriptestik kúsheidi. Saýd Arabiiasy, Qytai, Katar, jáne Reseimen birge jel, kún, sý elektr stansalary qurylysyn qamtityn kelisimder jasaldy.
Kólik infraqurylymy
2024 jyly Qazaqstanda 12 myń shaqyrym avtojol jóndelip, tórt iri kólik dáliziniń qurylysy aiaqtaldy: Qaraǵandy – Almaty, Taldyqorǵan – Óskemen, Aqtóbe – Qandyaǵash, Atyraý – Astrahan. Temirjol salasynda 1401 shaqyrym jóndelip, jolaýshylar men júk tasymalynyń kólemi artty.
THKB jáne logistika
Transkaspii halyqaralyq kólik baǵytynyń ótkizý qabileti artyp, 11 aida júk tasymaly 63%-ǵa ósip, 4,1 mln tonnaǵa jetti. Almaty men Qyzylorda áýejailaryndaǵy jańa terminaldardyń ashylýy jolaýshylar aǵynyn birneshe ese ulǵaitýǵa múmkindik berdi.
Qorytyndy
2024 jyly júzege asyrylǵan infraqurylymdyq jobalar eldiń ekonomikalyq ósýin nyǵaityp, azamattardyń ómir súrý sapasyn jaqsartýǵa baǵyttaldy. Qazaqstannyń strategiialyq josparlary aldaǵy jyldary da ornyqty damý baǵytyn jalǵastyrýǵa múmkindik beredi.
