Indýstriialandyrý kartasy aiasynda biyl 17 myń jańa jumys orny ashylady, dep habarlaidy Indýstriia jáne infraqurylymdyq damý ministrligi.
Biyl Indýstriialandyrý kartasy aiasynda taý-ken metallýrgiia kesheni, qurylys indýstriiasy, himiia ónerkásibi, mashina jasaý, munai-gaz himiiasy, munai óńdeý, farmatsevtika, agroónerkásiptik keshen, azyq-túlik óndirisi salalarynda 1,1 trln teńgege 160 jobany iske asyryp, 17 myńnan astam turaqty jumys ornyn ashý josparlanǵan .
Jobalardyń basym bóligi Almaty (33 joba) jáne Aqtóbe (20 joba) oblystarynda iske asyrylady. Qarjylandyrý kólemi boiynsha Qaraǵandy (256,4 mlrd teńge) jáne Almaty (230,2 mlrd teńge) oblystary kósh bastap tur.
Otandyq kásipkerler bastamashy bolǵan barlyq joba bankterdiń menshikti jáne kredittik resýrstary esebinen júzege asyrylady.
Koronavirýsqa qarsy sharalar ekonomikalyq belsendiliktiń, onyń ishinde iskerlik jáne investitsiialyq belsendiliktiń tómendeýine, tutynýshylyq jáne investitsiialyq suranystyń qysqarýynaalyp keldi. Biznestiń utqyrlyǵy shekteldi. Bul shikizat pen jinaqtaýyshtardy jetkizýdegi problemalarmen birge óndiristik belsendilikti de tómendetedi.
Osyǵan qaramastan QR Prezidenti janyndaǵy tótenshe jaǵdai rejimin qamtamasyz etý jónindegi memlekettik komissiianyń 13 sáýirdegi sheshimimen qatań sanitarlyq-epidemiologiialyq sharalar saqtalǵan jaǵdaida kásipkerlik sýbektileriniń jumysyn kezeń-kezeńimen jandandyrý qyzmetkerlerdiń jumys ornyndaǵy qashyqtyǵyn saqtai otyryp júzege asyrylady.
Osyǵan orai jobalar 2020 jyldyń II jartyjyldyǵynda iske qosylady dep josparlanǵan.
