QR Indýstriia jáne Infraqurylymdyq damý ministrligi Qurylys jáne turǵyn úi-kommýnaldyq sharýashylyq isteri komitetine qarasty Memlekettik sáýlet-qurylys baqylaý basqarmasynyń basshysyna qatysty sotqa deiingi tergeý amaldary bastaldy. Bul jaiynda QR Sybailas jemqorlyqqa qarsy is-qimyl agenttigi málim etti, dep habarlaidy "Ult aqparat".
Vedomstvo málimetinshe, ol Nur-Sultan, Almaty, Aqtóbe, Petropavl, Taraz qalalaryndaǵy kompaniialardyń basshylarynan tehnikalyq qadaǵalaýdyń injiniring qyzmetterin júzege asyrý boiynsha akkreditatsiia bergeni úshin 8 mln teńgeden astam para aldy dep kúdiktelip otyr.
«Kúdikti ustalyp, Nur-Sultan qalalyq politsiia departamentiniń ýaqytsha oqshaýlaǵyshyna qamaldy. Qamaýǵa alý túrindegi bultartaý sharasyn tańdaý máselesi sheshilip jatyr. Kúdiktige qatysty sońǵy úkimdi onyń kináliligin anyqtai otyryp, sot shyǵaratyn bolady», - dep atap ótti agenttik ókilderi.
Aita keterligi, 2018 jyly dál osy basqarmanyń burynǵy basshysy Qarqynbaevqa da para alǵany úshin 10 mln teńge kóleminde aiyppul salynǵan edi.
