قر يندۋسترييا جەنە ينفراقۇرىلىمدىق دامۋ مينيسترلٸگٸ قۇرىلىس جەنە تۇرعىن ٷي-كوممۋنالدىق شارۋاشىلىق ٸستەرٸ كوميتەتٸنە قاراستى مەملەكەتتٸك سەۋلەت-قۇرىلىس باقىلاۋ باسقارماسىنىڭ باسشىسىنا قاتىستى سوتقا دەيٸنگٸ تەرگەۋ امالدارى باستالدى. بۇل جايىندا قر سىبايلاس جەمقورلىققا قارسى ٸس-قيمىل اگەنتتٸگٸ مەلٸم ەتتٸ, دەپ حابارلايدى "ۇلت اقپارات".
ۆەدومستۆو مەلٸمەتٸنشە, ول نۇر-سۇلتان, الماتى, اقتٶبە, پەتروپاۆل, تاراز قالالارىنداعى كومپانييالاردىڭ باسشىلارىنان تەحنيكالىق قاداعالاۋدىڭ ينجينيرينگ قىزمەتتەرٸن جٷزەگە اسىرۋ بويىنشا اككرەديتاتسييا بەرگەنٸ ٷشٸن 8 ملن تەڭگەدەن استام پارا الدى دەپ كٷدٸكتەلٸپ وتىر.
«كٷدٸكتٸ ۇستالىپ, نۇر-سۇلتان قالالىق پوليتسييا دەپارتامەنتٸنٸڭ ۋاقىتشا وقشاۋلاعىشىنا قامالدى. قاماۋعا الۋ تٷرٸندەگٸ بۇلتارتاۋ شاراسىن تاڭداۋ مەسەلەسٸ شەشٸلٸپ جاتىر. كٷدٸكتٸگە قاتىستى سوڭعى ٷكٸمدٸ ونىڭ كٸنەلٸلٸگٸن انىقتاي وتىرىپ, سوت شىعاراتىن بولادى», - دەپ اتاپ ٶتتٸ اگەنتتٸك ٶكٸلدەرٸ.
ايتا كەتەرلٸگٸ, 2018 جىلى دەل وسى باسقارمانىڭ بۇرىنعى باسشىسى قارقىنباەۆقا دا پارا العانى ٷشٸن 10 ملن تەڭگە كٶلەمٸندە ايىپپۇل سالىنعان ەدٸ.
