Jelide inDriver taksi agregatory keńsesiniń bir bóligin Qazaqstanǵa kóshiretini týraly aqparat shyqty. Kompaniia baspasóz qyzmeti pikir bildirdi, - dep habarlaidy Tengrinews.kz.
Jýrnalist Marat Sháken Telegram-arnasynda inDriver halyqaralyq jolaýshylar tasymaly qyzmeti Qazaqstanda mamandar izdep jatqanyna nazar aýdarǵan.
Bos oryndarǵa maman izdeýde basty talapta "Nur-Sultan qalasyn mindetti túrde bilý" jáne "jyljymaityn múlik naryǵyn túsiný" kórsetilgen.
"InDriver keńsesiniń bir bóligin Qazaqstanǵa kóshirý (kásipkerlik ornyn aýystyrý - esk.) máselesin qarastyryp jatyr. Qazirgi ýaqytta kompaniia túrli máseleler boiynsha sheteldik áriptesterdi tolyq qoldaý úshin Nur-Sultan qalasyn mindetti túrde biletin jáne jyljymaityn múlik naryǵyn túsinetin maman izdep jatyr. Sondai-aq, kompaniiada Qazaqstan boiynsha Country manager/bizdev bos oryn bar. Qazaqstanda inDriver bos jumys oryndarynyń tolyq tizimin siltemeden alýǵa bolady", - dep jazdy Marat Sháken.
inDriver baspasóz qyzmeti qazirgi jaǵdaida kompaniianyń reseilik qyzmetkerlerine 10 eldegi kez kelgen bas keńseden ýaqytsha nemese uzaq merzimdi nemese tolyǵymen qashyqtan jumys isteý múmkindigi berilgenin túsindirdi.
"Olardyń keibireýi Qazaqstanǵa keledi, onda kompaniianyń eki keńsesi - Nur-Sultan men Almatyda ornalasqan. Búginde Qazaqstan TMD elderindegi inDriver úshin eń úlken naryq sanalady. Sonymen qatar, qyzmetkerler ózin jaily sezinedi. Bul jerde elderimizdiń ejelden kele jatqan mádeni, iskerlik jáne áleýmettik bailanystary bar", - dedi kompaniia.
