Indoneziiada Anak-Krakataý janartaýyna atqylaýdyń saldaryn túsirý úshin barǵan segiz adam izdestirilip jatyr. Olardyń arasynda bes jýrnalist bar, dep habarlaidy ult.kz.
Reuters agenttiginiń málimetinshe, top 7 qyrkúiekte janartaý mańyna jyldam júretin katermen attanǵan. Alaida olar kelisilgen ýaqytta keri oralmaǵan. Keiin qaiyqpen bailanys ta úzilgen. Toppen sońǵy ret dúisenbi kúni bailanys ornaǵan.
Qazir joǵalǵandardy izdeýge qutqarýshylar jumyldyryldy. Degenmen teńizdegi biik tolqyn, lai jáne janartaý kúli izdeý jumystaryn qiyndatyp otyr.
Anak-Krakataý 5 qyrkúiekte qaita atqylaǵan. Janartaý kúli Indoneziia astanasy Djakartaǵa deiin jetip, áýe qatynasyna áser etken. Atqylaýǵa bailanysty myńdaǵan reis keiinge shegerilip nemese toqtatylǵan.
