Adam quqyǵy - eń baǵaly qundylyq. Bul týraly «Ortalyq Aziia – Eýropalyq Odaq» azamattyq forýmy barysynda adam quqyqtary jónindegi Eýropalyq Odaqtyń arnaýly ókili Imon Gilmor aitty, dep habarlaidy QazAqparat.
Adam quqyqtary jónindegi Eýropalyq Odaqtyń arnaýly ókili Imon Gilmordyń aitýynsha, barlyq memleketter jalpyǵa birdei adam quqyqtary men negizgi bostandyqtaryn qurmetteý qaǵidasyn ustanýy tiis.
«Búgingi forýmǵa Ortalyq Aziia elderiniń ókilderi arnaiy keldi. Biz munda azamattyq qoǵamdy damytýdyń negizgi máselelerin talqylaimyz. Aita ketý kerek, adam quqyqtary tek ózine tiesili. Ol qai ortada, qai elde turmasyn emin-erkin ómir súrýge quqyly. Onyń ultyna, jynysyna, dinine, diline eshkim til tigizbeýi kerek. Biz barlyq memlekettik jáne úkimettik emes uiymdarǵa osyny talmai aityp kelemiz. Bul azamattyq qoǵamda keńinen kórinis tabýy qajet. Sondai-aq qoǵamdyq ortadan shyqqan usynys, pikirler men jańashyldyqqa qoldaý kórsetemiz. Adam quqyǵy - eń baǵaly qundylyq. Forýmnyń kózdegini osy», - deidi Adam quqyqtary jónindegi Eýropalyq Odaqtyń arnaýly ókili Imon Gilmor.
Aita keteiik, Almatyda «Ortalyq Aziia – Eýropalyq Odaq» azamattyq forýmy ótip jatyr.
Sharaǵa Ortalyq Aziianyń bes memleketi men Eýropalyq Odaqtyń delegatsiiasy qatysyp jatyr.
