Jańa koronavirýsqa immýnitetti qalyptastyrý úshin vaktsinalaýmen qamtý álemniń 65-70% halqyn quraýy tiis. Bul týraly brifing barysynda Dúniejúzilik densaýlyq saqtaý uiymynyń bas ǵylymi qyzmetkeri Sýmia Svaminatan málim etti, dep habarlaidy "Ult aqparat" TASS agenttigine silteme jasap.
Brifingte S.Svaminatan «Ujymdyq immýnitetti tabiǵi jolmen qalyptastyrý tiimdi bola ma?», - degen suraqqa jaýap berdi.
«Immýnitetke qol jetkizýdiń eń durys ádisi – vaktsinalaý. Jáne onymen qamtý 65-70% kem bolmaýy tiis», - dedi ol.
Óz tarapynan DDU sarapshysy Mariia van Kerkhove atap ótkendei, ujymdyq immýnitetti tabiǵi jolmen qalyptastyrýǵa talpynystar qaýipti bolmaq jáne ol ólim-jitimniń artýyna alyp keledi. Onyń aitýynsha, vaktsinalaý halyqty qorǵaýdyń eń tiimdi tásili bolyp tabylady. «Búkil álemde qaýipsiz jáne tiimdi vaktsinany ázirleý boiynsha belsendi jumystar júrgizilýde», - dedi M. Kerkhove.
