Qazaqstanda imidjdik maqsatqa jumsalmaq bolǵan 1 mlrd 400 mln teńge únemdeldi. Bul týrady OKQ-da ótken baspasóz máslihatynda qarjy ministriniń birinshi orynbasary Berik Sholpanqulov málim etti, dep habarlaidy "Ult aqparat".
«Elbasy men Memleket basshysynyń imidjdik jáne konsaltingti baǵyttaǵy orynsyz shyǵyndardy qysqartý baǵytyndaǵy tapsyrmasyna sáikes, úsh jyldyq kezeńge arnalǵan respýblikalyq biýdjet jobasyn qalyptastyrý kezinde 21 mlrd teńgelik shyǵyndar, onyń ishinde 2020 jyly 10 mlrd teńge ońtailandyryldy. Imidjdik shyǵyndar boiynsha 1 mlrd 400 mln teńgeniń shyǵyndy qysqartty. Áitse de, imidjdik shyǵyndardyń mólsheri buryn da kóp emes edi», - dedi Berik Sholpanqulov.
Onyń aitýynsha, elimizde biýdjettik zańnamaǵa túzetý engizý máselesi qarastyrylyp jatyr. Naqtyraq aitqanda, biýdjettik protsestiń kezeńderi qaita qaralmaq. Osylaisha, shyǵyndar limitin strategiialyq josparlardy qurý satysynda júzege asyrý usynylyp otyr.
