قازاقستاندا يميدجدٸك ماقساتقا جۇمسالماق بولعان 1 ملرد 400 ملن تەڭگە ٷنەمدەلدٸ. بۇل تۋرادى وكق-دا ٶتكەن باسپاسٶز مەسليحاتىندا قارجى مينيسترٸنٸڭ بٸرٸنشٸ ورىنباسارى بەرٸك شولپانقۇلوۆ مەلٸم ەتتٸ, دەپ حابارلايدى "ۇلت اقپارات".
«ەلباسى مەن مەملەكەت باسشىسىنىڭ يميدجدٸك جەنە كونسالتينگتٸ باعىتتاعى ورىنسىز شىعىنداردى قىسقارتۋ باعىتىنداعى تاپسىرماسىنا سەيكەس, ٷش جىلدىق كەزەڭگە ارنالعان رەسپۋبليكالىق بيۋدجەت جوباسىن قالىپتاستىرۋ كەزٸندە 21 ملرد تەڭگەلٸك شىعىندار, ونىڭ ٸشٸندە 2020 جىلى 10 ملرد تەڭگە وڭتايلاندىرىلدى. يميدجدٸك شىعىندار بويىنشا 1 ملرد 400 ملن تەڭگەنٸڭ شىعىندى قىسقارتتى. ەيتسە دە, يميدجدٸك شىعىنداردىڭ مٶلشەرٸ بۇرىن دا كٶپ ەمەس ەدٸ», - دەدٸ بەرٸك شولپانقۇلوۆ.
ونىڭ ايتۋىنشا, ەلٸمٸزدە بيۋدجەتتٸك زاڭناماعا تٷزەتۋ ەنگٸزۋ مەسەلەسٸ قاراستىرىلىپ جاتىر. ناقتىراق ايتقاندا, بيۋدجەتتٸك پروتسەستٸڭ كەزەڭدەرٸ قايتا قارالماق. وسىلايشا, شىعىندار ليميتٸن ستراتەگييالىق جوسپارلاردى قۇرۋ ساتىسىندا جٷزەگە اسىرۋ ۇسىنىلىپ وتىر.
