2016 jylǵy Ádebiet pen óner salasynda Memlekettik syilyq laýreattary anyqtaldy, dep habarlaidy "Ult aqparat" Aqordanyń baspasóz qyzmetine silteme jasap.
Elbasy qol qoiǵan Qazaqstan Respýblikasynyń 2016 jylǵy ádebiet pen óner salasyndaǵy memlekettik syilyǵyn berý týraly Jarlyqtyń tolyq mátini tómendegidei.
Qazaqstan Respýblikasynyń ádebiet pen óner salasyndaǵy memlekettik syilyǵyn berý jónindegi komissiianyń usynymdaryn qarap, QAÝLY ETEMIN:
- Qazaqstan Respýblikasynyń 2016 jylǵy ádebiet pen óner salasyndaǵy memlekettik syilyǵy:
1) avtorlar ujymyna: Imanǵali Nurǵaliuly Tasmaǵambetovke, Saǵyndyq Smailuly Jambolatovqa, Murat Amangeldiuly Mansurovqa, Nurlan Amanuly Dalbaiǵa – «Máńgilik El» monýmenti úshin;
2) jazýshy Beksultan Nurjekeevke – «Ái, dúnie-ai» romany úshin;
3) avtorlar ujymyna: Doshan Qaliuly Joljaqsynovqa, Rýstam Odinaevqa, Aidos Jumadildiuly Bektemirge, Nursifat Rahymbaiqyzy Salyqovaǵa – «Qunanbai» tolyq metrajdy kórkem filmi úshin;
4) sýretshi Kamil Mýllashevqa – Qazaqstan Respýblikasy Táýelsizdiginiń 25 jyldyǵyna arnalǵan «Táýelsizdikke tartý» jumystar tsikli úshin berilsin.
- Osy Jarlyq resmi jariialanǵan kúninen bastap qoldanysqa engiziledi.
