Belgili aýyr atlet Ilia Ilin qazaqstandyq ziltemirshi Albert Linderdiń qaitys bolýyna bailanysty onyń jaqyndaryna kóńil aitty, dep habarlaidy QazAqparat.
«Bul jaǵdai - qazaqstandyq aýyr atletter otbasy úshin úlken tragediia. Albert talantty, jigerli ári jaqsy jigit edi. Sporttyń osy túrinde ózin jaqsy jaǵynan kórsetti. Alaida ol barlyǵyn tastap, sporttan ketti. Alberttiń psihologiialyq soqqy alyp, kúrdeli jaǵdaiǵa dýshar bolǵanyn túsinemiz», - dedi Ilia Ilin.
Osy oraida ol sportshylar dene jaraqytynan bólek, psihologiialyq turǵydan da zardap shegetinin atap ótti. Bul rette sport meditsinasy qaýqarsyz bolyp tur.
Sporttaǵy mansabyn aiaqtaǵannan keiin adamdar óz problemalarymen jeke ózi qalyp jatady.
«Mansapty aiaqtaǵannan keiin ómirdi basqa qyrynan qaitadan bastaýyń kerek bolady jáne bul jaǵdaida kóbi úreige boi aldyrady. Meniń oiymsha, biz sporttyq problemaǵa tap boldyq. Sondyqtan mansabyn aiaqtaǵan jigitterge de nazar aýdarsaq», - dedi chempion.
Eske salsaq, qazaqstandyq ziltemirshi Albert Linder 26 jasqa qaraǵan shaǵynda qaitys boldy.
Ol - jasóspirimder arasyndaǵy álem chempiony, ýniversiada jeńimpazy jáne rekord jasaǵan, Qazaqstannyń birneshe dúrkin chempiony atanǵan.
Almaty oblysy politsiia departamenti atlettiń qaitys bolýy faktisi boiynsha Qylmystyq kodekstiń 105 babymen (ózin-ózi óltirýge deiin jetkizý) sotqa deiingi tergeýdi bastaǵanyn habarlady.
