Belgili aýyr atlet Ilia Ilin aldaǵy oqý jylynan bastap Qorqyt Ata atyndaǵy Qyzylorda memlekettik ýniversitetinde jastarǵa dáris beretin boldy, dep habarlaidy "Ult aqparat".
Ilia Ilin atalǵan joǵary oqý ornynda bilim alǵan. Aýyr atlet ýniversitet rektory Beibitkúl Kárimovamen júzdesý barysynda ustazdaryna óziniń rizashylyǵyn jetkizdi. Oǵan bilim alýshy jastarǵa dáris berý usynysy aityldy. Kezdesýde ýniversitettiń sport salasyndaǵy jetistikterin arttyrý maqsatyndaǵy jumystar men Ilia Ilin mektebin qalyptastyrý máselesi talqylandy. Bul usynysty aýyr atlet qabyl aldy.
Ilia Ilin 1988 jyly 24 mamyrda Qyzylorda qalasynda dúniege kelgen. Aýyr atlet 2005, 2006, 2011, 2014 jyldary álem chempiony boldy. Eki Olimpiadaǵa qatysyp, joǵary deńgeide sheberligin kórsetti.
