Foto: Fox News
Amerikalyq milliarder Ilon Maskty AQSh-tyń qarjy ministri Skott Bessent uryp, kózin kógertken. Olardyń arasyndaǵy janjal Aq úide bolypty, dep jazady inbusiness.kz .
Aq úide bolǵan janjal týraly aqparat quraldaryna Donald Tramptyń eks-keńesshileriniń biri aityp bergen.
Sáýirdiń ortasynda Mask pen Bessent prezident kabinetine kirip, shendilerdiń birin taǵaiyndaýǵa qatysty pikirin aitýǵa tiis bolypty. Biraq Tramp Bessenttiń aitqanyn oryndaǵan.
Eks-keńesshiniń sózinshe, Bessent pen Mask kabinetten shyǵyp, dálizben ketip bara jatqanda bir-birin balaǵattai bastaǵan. Sondai-aq qarjy ministri milliarderdi "alaiaq" dep ataǵan kórinedi.
"Keiin Mask "regbi oinyndaǵydai" iyǵymen Bessentiń keýde tusynan urǵan. Al Bessent jaýap qaitaryp, Maskqa judyryq ala júgirdi. Birneshe adam aralasyp, olardy ajyrtyp alǵan", – delingen habarlamada.
Dál osy kezde Mask pen Tramptyń qarym-qatynasy ýshyǵa bastapty.
